के के हुन् ती गल्ती ?
१. खान छाड्ने
तौल घटाउँने नाममा धेरैले गर्ने काम भनेको खान छाड्ने हो । यस्तोमा मानिस लामो समय भोकभोकै बस्छन् । तर यो बेकार छ । यसले मेटाबोलिजमलाई सुस्त बनाउँछ साथै शरिर आलस्य र बिरामी बनाउँछ ।
२. औषधीको सेवन
सजिलै तौल घटाउने नाममा केहिले औषधीको सेवन गर्दछन् । तर, यसले स्वास्थ्यमा गम्भीर असर पार्दछ । वजन घटाउन पनि सन्तुलित भोजन र व्यायामसँगै पोषणयुक्त खानेकुरा आवश्यक पर्दछ जो औषधीले भरपुर गर्न सक्दैन ।
३. जबर्जस्ती वान्ता गर्ने
केही व्यक्ति मन लागेको खानेकुरा खाएर भोक मेटीएपछि केही बेरमै जवरजस्ती वान्ता गर्छन । तर यसले व्यक्तिमा गम्भीर मनोवैज्ञानिक असर पार्दछ । साथै खन्चुवा बनाउँछ ।
४. पखला लगाउने
केहिले मोटोपन घटाउन पखाला चलाउने औषधी खान्छन् । तर लामो समय पखाला लाग्दा शरीरमा पानीको अभाव हुनुका साथै पेट सम्बन्धित अन्य समस्या पनि उत्पन्न हुन्छ ।
५. धुमपान
केही मानिस भोक दबाउन धुमपान गर्छन् । धुमपानले दिमागको संकेतलाई अबरोध गरी भोक मार्दछ । तर, यसले शरिरमा हानी पुर्याउनुका साथै क्यान्सरको जोखिम बढ्छ ।
६. अत्यधिक व्यायाम
मानिसले दुब्लाउन सबैभन्दा झ्याउ मान्ने बिषय भनेको व्यायाम हो । तर केहिले भने अत्यधिक व्यायाम गर्दछन् । परिणाम शरिर घाइते हुन्छ र मुटुमा पनि असर पुग्न सक्छ ।
