काठमाडौँ,नेपालमा थप ५३४ जनामा कोरोना संक्रमण पुष्टि भएको छ।

मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको परिक्षणमा ५३४ जनामा संक्रमण देखिएको हो। योसँगै नेपालमा कुल कोरोना संक्रमितको संख्या २ लाख ८२ हजार ५४ पुगेको छ।

पछिल्लो २४ घण्टामा १५७ जना कोरोना संक्रमणमुक्त भएका छन्। हालसम्म २ लाख ७४ हजार ६०७ जना संक्रमणमुक्त भएका छन्।

अहिलेसम्म नेपालमा कोरोनाबाट ज्यान गुमाउनेको संख्या तीन हजार ६६ पुगेको छ।आज कोरोनाबाट थप ५ व्यक्तिको मृत्यु भएको मन्त्रालयको वेभसाइटमा उल्लेख छ ।नेपालमा हाल कुल सक्रिय संक्रमितको संख्यामा ४३८४ रहेको छ।