काठमाडौँ,नेपालमा थप १४५ जनामा कोरोना पुष्टि भएको छ।मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको परिक्षणमा १४५ जनामा संक्रमण देखिएको हो।

योसँगै नेपालमा कुल कोरोना संक्रमितको संख्या २ लाख ७६ हजार ३८९ पुगेको छ।पछिल्लो २४ घण्टामा ९० जना कोरोना संक्रमणमुक्त भएका छन्। हालसम्म २ लाख ७२ हजार १८७ जना संक्रमणमुक्त भएका छन्।

अहिलेसम्म नेपालमा कोरोनाबाट ज्यान गुमाउनेको संख्या तीन हजार २० पुगेको छ। आज कोरोनाबाट थप एक व्यक्तिको मृत्यु भएको मन्त्रालयको वेभसाइटमा उल्लेख छ।नेपालमा हाल सक्रिय संक्रमितको संख्या ११८२ रहेको छ।