अछाम, नेकपा सुदूरपश्चिम प्रदेश कमिटी अध्यक्ष कर्ण थापा चढेको गाडीमा तोडफोड भएको छ।

मंगलबार नेकपा ओली समूहले अछाममा सम्पन्न गरेको बिस्तारित बैठकपछि प्रचण्ड–नेपाल समूहले थापा चढेको प्रदेश ३ – ०१०२३ च ७०६९ नम्बरको गाडीमा तोडफोड गरेका हुन।प्रचण्ड नेपाल समूह निकटका राष्ट्रिय युवा संघ नेपाल र अनेरास्ववियूका कार्यकर्ताले गाडीमा ढुंगामुढा गरेको बताइएको छ।

नेकपामा केहि समयदेखि ओली समुह र प्रचण्ड-नेपाल समुह बिच ठाउँठाउँमा झडप भईरहेका छन् । नेकपाका नेता कार्यकर्ताहरु एक अर्काबिच खुलेरै प्रतिस्पर्धा गरिरहेका छन् ।