सुर्खेत, नेकपा विभाजनपछि केपी शर्मा ओली नेतृत्वको नेकपालाई समर्थन गर्दै आएका कर्णाली प्रदेश, उद्योग, पर्यटन, वन तथा वातावरण मन्त्री नन्दसिंह बुढाले ओली समूह त्यागेका छन् । कर्णाली सरकारमा प्रचण्ड–माधव समूह बहुमतमा छ ।

मंगलबार एक प्रेस विज्ञप्ती जारी गर्दै मन्त्री बुढाले आफु प्रचण्ड–माधव समूहमा प्रवेश गरेको जानकारी दिएका छन् । डोल्पावासीको माया र कर्णाली प्रदेश सरकारलाई स्थिरता प्रदान गर्न आफु प्रचण्ड–माधव समूहमा प्रवेश गर्न बाध्य भएको उनले विज्ञप्तीमा बताएका छन् ।तर मन्त्री पद जोगाउन बुढाले ओली समूह त्यागेको भन्ने आरोप लागेको छ ।

साथै केही दिनअघि कर्णाली प्रदेशका सामाजिक विकास मन्त्री दल रावलले पनि ओली समूह त्यागेका थिए । अब कर्णाली सरकारमा पनि प्रचण्ड–माधव समूह बहुमतमा पुगेको छ । नेकपा विभाजनपछि मन्त्री तथा नेताहरु एकपछि अर्को गर्दै समूह परिबर्तन गर्दै आईरहेका छन् ।