मुगु, मुगु जिल्लाको खत्याड गाउँपालिका स्थित जेटिएम बाल अनाथ आश्रमलाई स्थानिय ११ जना युवाहरु मिलेर आर्थिक सहयोग गरेका छन् ।स्थानिय युवा अनन्त राज जैशीको जन्मदिनको अवरसरमा उक्त सहयोग गरिएको हो ।उक्त जन्मदिनमा आर्थिक रकम संकलन गरी उक्त संकलित रकमबाट बाल अनाथ आश्रमलाई चाहिने, कार्पेट, पिफर्म, दाल, चामल र केही स्टेस्नरी लगायतका सामाग्रीहरु खरिद गरेर सहयोग गरेका छन् ।

सहयोग गर्ने युवाहरुमा अनन्त राज जैसी, खगराज रोकाया, कमल कार्की, दल बहादुर कार्की, नर बहादुर बुढा, भिम बहादुर थापा, धनसिह रोकाया, बिबिजङ्ग शाही, सेर बहादुर खड्का, बिमल कार्की र अखण्ड कार्की मिलेर ४१ हजार २ सय रुपैया सहयोग गरेका छन । परोपकार नै जिबनको मुल आधार हो भन्ने मुल मर्मका साथ उक्त सहयोग गरिएको स्थानिय समाजसेवी युवा खगराज रोकायले बताए ।