काठमाण्डौ, सत्तारुढ नेपाल कम्युनिस्ट पार्टी नेकपाको विवाद समाधानमा अपेक्षाकृत प्रगति नभएपछि दुवै पक्षका नेताहरुले पूर्व सभामुख कृष्ण वहादुर महरालाई सक्रिय बनाउनु पर्ने निष्कर्षमा पुगेका छन् । त्यही अनुसार उनलाई केही दिनभित्रै कुनै प्रभावकारी भूमिका दिने तयारी भैरहेको बताएका छन् । त्यसको लागि प्रधानमन्त्री केपी ओली समेत सहमत भैसकेको नेकपा स्रोतले जानकारी गराएको छ । नेकपा विवाद मिलाउनको लागि विगत केही महिनादेखि निरन्तर प्रयास भैरहे पनि सफल भएको छैन । दुवै गुटमा भन्दा पनि बिचको भूमिकामा रहेर दुवै पक्षलाई मिलाउन सक्ने नेता नभएकोले नै विवाद समाधान हुन नसकेको निष्कर्षमा दुवै पक्षका नेताहरु पुगेका छन् ।

अहिले जिम्मेवारीमा रहेका नेताहरु या त ओली गुटमा सक्रिय छन् या त प्रचण्ड–नेपाल गुटमा छन् । उनीहरुले जति गर्दा पनि एक अर्को पक्षलाई मान्य हुने गरि प्रस्ताव तयार हुनै नसकेकोमा दुवै पक्षका नेताहरु सहमत देखिएका छन् । ओली पक्षप्रति लचिलो भए पनि विगतमा महासचिव विष्णु पौडेल दुवै पक्षको लागि सर्व स्विकार्य थिए । उनले अरुको तुलनामा तठस्थ धारणा राख्ने गरेकोले जुनसुकै गुटका नेताहरु पनि उनको प्रस्तावप्रति लचिलो वा सहमत हुन्थे । तर, अहिलेको विवादमा पौडेलले आक्रामकरुपमा ओलीलाई साथ दिइरहेका छन् । त्यसैले उनको प्रस्ताव माधव–प्रचण्ड गुटले स्विकार नगरिरहेको अवस्था छ ।नेताहरुले गुटको कुरा मात्रै गर्ने सहमतीको ठोस वातावरण बनाउन नसकेपछि त्यस्तो व्यक्तिको खोजी गर्ने क्रममा महरा उपयुक्त पात्र हुने निष्कर्षमा दुवै पक्ष पुगेको बताइन्छ ।

जनयुद्धकालदेखि नै अध्यक्ष प्रचण्डका सबैभन्दा भरपर्दा नेता भए पनि उनले पार्टी भित्रका विवादहरुमा संयोजनकारी भूमिका खेल्दै आएका थिए । विपक्षीहरुसंग समेत शालिनतापूर्वक प्रस्तुत हुने उनको स्वभावका कारण सबैले उनलाई विश्वांस गर्दै आएका थिए । अमेरिकी सहयोग सम्वन्धि परियोजना एमसिसी पारित गर्ने विषयमा प्रधानमन्त्री ओलीसंग मत बाझिएपनि अहिले समेत महराको भूमिका बढाउनु पर्ने पक्षमा रहेको बताइएको छ । ‘शायद महरा सक्रिए भएको भए प्रचण्डहरुले यसरी आफ्रमाथि निरन्तर प्रहार गर्ने स्थिति आउंदैनथ्यो कि भन्ने उहांलाई लागेको हुनसक्छ । १ वर्षभन्दा लामो समयदेखि भूमिकाविहिन रहेका महरालाई विशेष जिम्मेवारी दिन ओली पक्षकै नेताहरुले प्रस्ताव गरिरहनु भएको छ’ नेकपाका एक नेताले भने ।

जर्वजस्तीकरणी आरोपमा सभामुखबाट राजिनामा दिएपछि भूमिकाविहिन भएका महरालाई अदालतले निर्दोषसावित गरे पनि नेकपाले भने कुनै जिम्मेवारी दिएको छैन । पार्टी विवाद मिलाउनकै लागि उनलाई सचिवालयमै थप गर्ने विषयमा समेत छलफल शुरु भएको छ । महरा एक्लैलाई सचिवालयमा थप्न नमिल्ने अवस्था भएकोले उनीसंगै दुवै खेमाका केही नेताहरु थपेर सचिवालयलाई १३ वा १५ सदस्यिय बनाउने तयारी भैरहेको बताइएको छ । सचिवालयमा थपिने संभावित नामहरुमा महरासंगै ओली पक्षबाट शंकर पोख्रेल र सुवास नेम्वाङ तथा प्रचण्ड–माधव पक्षबाट महरा र अष्टलक्ष्मी शाक्य छन् ।

युवराज ज्ञवाली, भीम रावल , जनार्दन शर्मा, घनश्याम भुषाल, पम्फा भुषाल, वर्षमान पुनसमेत सचिवालयका दावेदारहरु भएपनि संख्या धेरै नराखिने भएकोले उनीहरुको संभावना लगभग देखिदैन । महासचिव पौडेलसमेत विवाद समाधानको लागि असफल भएको भन्दै अहिलेको सचिवालय विघटनको पक्षमा उभिएकै बेला नेताहरुबीच दुवै गुटका केही प्रभावशाली नेताहरुलाई थप गरेर सचिवालय अझ प्रभावकारी बनाउने तयारी भएको हो । महरा लगायतका नेताहरुको मनोनयले सचिवालय सांच्चैको प्रभावकारी होला रु त्यसबारेमा भने नेकपाकै उच्च नेताहरुसमेत आश्वस्त हुन सकिरहेका छैनन् ।