काठमाडौं, प्रधानमन्त्री केपी शर्मा ओली संखुवासभास्थित नेपाल–चीन सीमा क्षेत्र किमाथांका पुगेका छन्।आज बिहान सेनाको हेलिकोप्टरमार्फत् प्रधामन्त्री ओली किमाथांका पुगेका हुन्।

प्रधामन्त्री ओलीका साथमा भौतिक पूर्वाधार तथा यातायातमन्त्री वसन्त नेम्वाङ, प्रदेश १ का मुख्यमन्त्री शेरधन राई, संखुवासभाका सांसदद्वय राजेन्द्र गौतम र परशुराम मेघी गुरुङ लगायत रहेका छन् ।प्रधानमन्त्री ओलीले भोटखोला गाउँपालिका–१ किमाथाङ्कामा सशस्त्र प्रहरीको बोर्डर आउट पोष्ट बिओपीको निरीक्षण, स्थानीय जनप्रतिनिधिसँग छलफल र सोही जिल्लाको च्याम्ताङमा निर्माणाधीन विराटनगर–किमाथाङ्का सडकको निरीक्षण गर्नेछन् ।

त्यसपछि प्रधानमन्त्री ओली ९ सय मेगावाटको अरुण तेस्रो जलविद्युत आयोजनाको ड्याम निर्माणस्थलको निरीक्षण र स्थानीय जनप्रतिनिधिसँग छलफल सकेर नेपाली सेनाको एमआई १७ हेलिकोप्टरमार्फत बुधबारै साढे ३ बजे काठमाडौं फर्कने उनका सल्लाहकार सूर्य थापाले जानकारी दिए ।