देउखुरी, नेपाल सरकार भूमी ब्यवस्था तथा सहकारी मन्त्रालयद्धारा संचालित गरिब घर परिवार पहिचान तथा परिचय पत्र वितरणका लागि वडागत तथ्यांक संकलन गर्ने काम गढवा गाउँपालिकामा सकिएको छ । बिगत फागुन ८ गते देखि सुरु भएको तथ्यांक संकलनको काम हालै सकिएको गढवा गाउँपालिकाको सो शाखा हेर्ने सुपरिबेक्षक बसन्त अर्यालले जानकारी दिए ।गाउँपालिकाको आठवटै वडाहरुमा गणक खटाईएको थियो । गणकहरुले घर(घरमा पुगेर संकलन गरेको बिवरण अनलाईन प्रबिधिबाटै मन्त्रालयमा पठाइएको छ । अबको केहि महिना भित्रै मन्त्रालयले गणकहरुबाट संकलन भएको तथ्यांकको आधारमा परिचय पत्र दिन योग्य घरधुरीहरुको डाटा पठाउने छ । त्यसै अनुरुप गरिब घरपरिवार पहिचान गरी राज्यबाट प्रदान गरिने सेवा सुविधाको मापदण्ड बमोजिम नागरिकहरुलाई परिचय–पत्र वितरण गरिने छ–अर्यालले भने ।

जस अनुसार गढवा गाउँपालिकाको वडा नं। १ मा कुल १ हजार ३ सय २६ घरधुरी सर्भेक्षण गरिएको गणक सरिता कुमालले बताइन् । त्यसैगरी वडा नं। २ मा सरिता रानामगर र सुभाति थारु कुमाल गणकको रुपमा खट्नु भएको र वडा नं २ मा ९ सय १० र वडा नं ३ मा ८ सय ९७ घरधुरीको तथ्यांक लिइएको बताइएको छ । वडा नं ४ र ५ मा अञ्जना चौधरी र सुभाति थारु कुमालले क्रमशः १ हजार ५५ र १ हजार १ सय ३३ घरधुरी सर्भेक्षण गरी तथ्यांक संकलन गरेको बताए । यसैगरी वडा नं। ६ मा सपना पौडेल १ हजार ४ सय ४१ घरधुरीको तथ्यांक संकलन गरेर पाइएको छ भने वडा नं ७ मा रिमा चौधरीले १ हजार १ सय ८७ र वडानं।

८ मा अञ्जना चौधरीले १ सय ४५ घरधुरीको तथ्यांक संकलन गरेको पाइएको छ । गाउँपालिकाका आठवटै वडाहरुबाट कुल आठ हजार चौरानब्बे घरधुरीको तथ्यांक संकलन गरेको र सबैको बिवरण भुमी ब्यवस्था तथा सहकारी मन्त्रालयमा पठाईसकेको गाउँपालिकाका सुपरिबेक्षक बसन्त अर्यालले जानकारी दिए ।