कैलाली, कैलालीको धनगढी–१४ स्थित खुटिया खोलामा सशस्त्र प्रहरीका जवान मृत अवस्थामा फेला परेका छन् ।सुर्खेतको लेकबेसी नगरपालिका घर भएका २१ वर्षीय कुमार सारु मगरको शव खोलामा फेला परेको सुदुरपश्चि प्रदेश प्रहरी कार्यालयका प्रवक्ता (एसएसपी) मुकेशकुमार सिंहले बताए । खोलामा टाउको बाहिर र जिउ भित्र भएको अवस्थामा स्थानीयले देखेपछि सशस्त्र प्रहरीको गोताखोरले उनको शव निकालेको थियो ।

शव पोष्टमार्टमको लागि सेती प्रादेशी अस्पताल धनगढीमा राखिएको छ । पोष्टमार्टमपछि मृत्युको कारण खुल्ने एसएसपी सिंहले बताए । कुमार सारु बोर्डअर आउट पोष्ट बेस जुगेडा कैलालीमा कार्यरत थिए ।