अछाम, स्थलगत अनुगमनको लागि अछामका प्रमुख जिल्ला अधिकारी सहितको टोली विनायक पुगेको छ ।आईतबार प्रमुख जिल्ला अधिकारी गोकर्ण प्रसाद उपाध्याय सहितको टोलि पञ्चदेवल विनायक नगरपालिकाले स्थापना गरेको क्वारेन्टाइनको स्थलगत अनुगमन गर्नको लागि विनायक पुगेको हो ।उक्त टोलिमा अछामका प्रमुख जिल्ला अधिकारी उपाध्यायको साथमा जिल्ला स्थित शुरक्षा निकायका प्रमुखहरुको सहभागिता रहेको थियो ।प्रमुख जिल्ला अधिकारी उपाध्याय र जिल्लास्थित सुरक्षा निकायका प्रमुखलगायतको उक्त टोलिले नगरपालिकाले भर्खरै मात्र स्थापना गरेको क्वारेन्टाइनको स्थलगत अनुगमन गर्नुको साथै नगरस्तरीय सम्पुर्ण सरोकारवालासँग महत्त्वपूर्ण छलफलका गरेको नगरपालिकाका कार्यकारी अधिकृत पदम बहादुर माझिले जानकारी दिए ।