काठमाडौं, मुलुकभर कोरोना संक्रमितको संख्या बढ्दै गएपछि आगामी रणनीति तय गर्ने बारे निर्णय गर्न कोभिड १९ संकट व्यस्थापन केन्द्र सिसिएमसी निर्देशक समितिको बैठक आज बस्ने भएको छ ।कोरोना भाइरसको संक्रमण बढेसँगै आगामी रणनीतिबारे छलफल गर्न साँझ ५ बजे सिसिएमसीको बैठक सिंहदरबारमा बस्न लागेको हो।

काठमाडौं लगायत देशभर नै कोरोना संक्रमणको दर उच्च देखिएको र मृतकको संख्या समेत बढ्न थालेपछि अबको रणनीति के हुने र कसरी के कसरी अघि बढ्ने भन्ने बारे छलफल गर्न बैठक बस्न लागेको सिसिएमसीका एक सदस्यले कुसे न्यूजलाई जानकारी दिए ।

धेरै संक्रमण देखिएको ठाउँमा लकडाउन, सिल गर्नका वा अन्य के उपाय र तयारी अपनाउन सकिन्छ यसबारे छलफल हुने बुझिएको छ । सरकारले एकमुष्ट रूपमा लकडाउन नगरे पनि स्थानीय तह र जिल्ला प्रशासनहरूले आवश्यकताका आधारमा निषेधाज्ञा र लकडाउन गरिरहेका छन्। तर पछिल्लो समय राजधानी उपत्याकामा समेत संक्रमितको संख्या दैनिक बढेपछि भने सरकारको बल्ल ध्यानआर्कषण भएको छ ।