काठमाडौँ, नेपालमा पछिल्लो २४ घण्टामा थप ५२५ जनामा कोरोना भाइरस (कोभिड १९) को संक्रमण देखिएको स्वास्थ्य तथा जनसंख्या मन्त्रालय पुष्टि गरेको छ । योसँगै नेपालमा कुल संक्रमितको संख्या २४ हजार ९५७ पुगेको छ।

मन्त्रालयका प्रवक्ता डा. जागेश्वर गौतमका अनुसार संक्रमितमध्ये हालसम्म कोरोना जितेर घर फर्किनेको संख्या १६ हजार ८३७ पुगेको छ । पछिल्लो २४ घण्टामा थप १०९ जना उपचारपछि डिस्चार्ज भएका छन् । ७० .५ प्रतिशत संक्रमित निको भएका छन् ।

मुलुकभर ८ हजार २५ सक्रिय सङ्क्रमित छन् । हाल होम क्वारेन्टिमा ४६६ जना रहेका छन् । आज नेपालमा ९ हजार ८८४ जनाको पिसिआर विधिबाट नमूना परिक्षण गरिएको छ । योसँगै हालसम्म ४ लाख ८१ हजार ६३ जनाको नमूना परिक्षण गरिएको छ ।

नेपालमा कोरोना संक्रमणबाट ज्यान गुमाउनेको संख्या ९५ पुगेको छ । जसमा पुरुष ७३ जना र महिला २२ जना रहेका छन् । आजमात्र थप ४ जनाको मृत्यु पुष्टि भएको छ ।