डोल्पा, डोल्पामा कोरोना भाइरस संक्रमणका कारण एक जनाको मृत्यु भएको छ । जगदुल्ला गाँउपालिका–३ का ५३ वर्षीय पुरुषको मृत्यु भएको हो।

सुर्खेतबाट १६ गते जुम्ला हुदै   जेठ १८ गते डोल्पा पुगेका उनलाई क्वारेन्टाइनमा राखिएको थियो । उनी लामो सममदेखि दमको रोग भएकाे  जगदुल्ला गाँउपालिकाका  अध्यक्ष नारासिँह रोकायाले जानकारी दिए ।

रोकायाका अनुसार पीडित  उनलाई १९ गते होम आइसोलेसनमा राखिएको थियो। होम आइसोलेसनमै रहेका उनको जेठ २४ गते मृत्यु भएकाे बताइएकाे छ  । 

मृत्युपछि उनको स्वाब संकलन गरी कर्णाली स्वास्थ्य विज्ञान प्रतिष्ठनमा पीसीआर परीक्षणका लागि पठाइएको थियो। शनिबार मात्रै आएको उनको पीसीआर परीक्षणको रिपोर्ट पोजेटिभ आएको  अध्यक्ष  रोकायाले बताए  ।

 रोकायाका अनुसार उनीसँगै १२ जना अन्य नागरिक पनि जगदुल्लामा आएका थिए।

उनीहरु हाल क्वारेन्टाइनमा छन्। यो सँगै नेपालमा कोरोना संक्रमणका कारण मृत्यु हुनेको संख्या १२ पुगेको छ ।

जसमध्ये ११ जनाको मृत्युपछि मात्रै संक्रमण रहेको पुष्टि भएको छ।