काठमाडौं, मुलुकका २५ जिल्लाका २६७ जनामा कोरोना भाइरसको संक्रमण देखा परेको छ। स्वास्थ्य मन्त्रालयको पछिल्लो विवरणअनुसार प्रदेश ५ को दाङमा कोरोना भाइरसका ३ जना संक्रमित देखिएका छन्। दाङमा संक्रमित देखिएकाे याे पहिलाेपटक हाे।
उदयपुरमा ३३ जना, झापामा २, भोजपुरमा १ जना संक्रमित देखिएका छन्। यस्तै धनुषामा ४, पर्सामा ८९, बारामा ३, महोत्तरीमा २, रौतहटमा ३, सप्तरीमा १ र सर्लाहीमा २ जनामा कोराना पुष्टि भएको छ।

काठमाडौंमा ७, भक्तपुरमा २, चितवनमा २, धादिङमा २, मकवानपुरमा १ जना संक्रमित भएका छन्। यस्तै बाग्लुङमा २, नवलपरासी पूर्वमा १, नवलपरासी पश्चिममा १, बर्दियामा १, बाँकेमा ३३, रुपन्देहीमा २८, कपिलवस्तुमा ३९ र दाङमा ३ जना संक्रमित छन्।

यसैगरी सुदूरपश्चिमका कञ्चनपुरमा १ र कैलालीमा ४ जनामा कोरोना भाइरस संक्रमण पुष्टि भएको छ।

यीमध्ये उदयपुरका १४, झापका २ भोजपुरका १, धनुषाका १, पर्साका ३ जना उपचारपछि घर फर्किएका छन्। निको भएका अन्यमा रौतहटका १, काठमाडौंका ३, चितवनका २, धादिङका १ र बागलुङका २ जना छन्।

यस्तै रुपन्देहीका १, कञ्चनपुरका १ र कैलालीका ४ गरी ३६ जना घर फर्किएका छन्। संक्रमित सबैकाे स्वास्थ्य अवस्था सामान्य रहेकाे मन्त्रालयकाे भनाइ छ।