नेपालगन्ज,  बाँकेको नेपालगञ्जमा सुरक्षामा खटिएका प्रहरीमाथि स्थानीयबासीहरुले ढुङ्गामुढा प्रहार  गरेका छन् । बिहान त्रिवेणी मोडमा लकडाउन उल्लघंन गर्ने समुहले प्रहरीमाथि ढुङ्गामुढा गरेका हुन ।

 वडा प्रहरी कार्यालय प्रमुख हरि बस्नेतका अनुसार डिउटीमा खटिएका प्रहरीमाथि  ढुङ्गामुढा गर्नुका साथै वडा प्रहरी कार्यालय नेपालगञ्जको मोबाइल गाडिमा समेत तोडफोड गरिदिएका छन् । बा १ झ ८२८४ नम्बरको पीकअप गाडी तोडफोड गरेकाछन् । लकडाउनकाबीच लागेको भीड हटाउन खोज्दा प्रहरी र स्थानीयबीच विवाद बढेपछि उत्पन्न परिस्थितीका कारण झडप भएको हो ।

आक्रोसित स्थानीयलाई साम्य गराँउदा उनीहरले प्रहरीमाथि ढुंगा प्रहार गरेका थिए । लगत्तै जिल्ला प्रहरी कार्यालय बाँकेले ठूलो मात्रामा प्रहरी परिचालन गरि भीड नियन्त्रणमा लिने काम गरेकोछ ।

बाँके प्रशासनले नेपालगन्जमा निशेधाज्ञा लागु गरेकै दिन स्थानीय प्रहरी र स्थानीयबीच  झडप भएकाे हाे  । आज मंगलबार मात्रै नेपालगन्जमा थप ७ जनामा कोरोना पोजेटिभ पाइएकोछ । योसगै नेपालगन्जमा कोरोना संक्रमित संख्या २३ पुगेको छ ।