बरु
लड्या मौन बैठल हुई
हमार दुख देखके एकघचि
हावा रूकके ह्यारल हुई
रूख्वा रूईल हुई,
डग्रिम रलक पथ्रा
आँशक बुन्दा खसाईल हुई।
तर सर्बाहारनके सरकार
त्वार आँखि निद्याखल
त्वार कान निसुनल
त्वार मन महशुस कर निस्याकल!
सायद,
काठमण्डुसे अइना मनै
गरीपकेल रलह कि?
तुहिँ गरीप कसिक कहुँ?
अरपके हेलि चार्टर क.. र सेक्थ्या
केक्रो जरम दिन म हेलिम से
फुला बर्षाइ सेक्थ्या !
तर
हम्र त्वार नजर म निपर्लि कि?
कि निहुइ यी देशके मनै?
ट्वार नजरम ।
हे सरकार त्वार डर लाग लागल
कोरोनक निलागठ बरू ओत्रा,
असिन लागठ बरू
पथ्रम ध्यार फिलिङ्स हुहिँस
हम्र हप्ता दिन लगाके
काठमण्डुसे बर्दिया पुग ब्याला
कत्रा रूइल रह पथ्रा
सबसे आँख्खर पथ्रक मन पग्ललिस् बरू
त्वार मन निपग्लल सरकार
काजेकि
त्वार मन त उहिँसेफे आँख्खर बा काँहुँ??
लुहाकसेफे आख्खर
यी देशके कार्यकारी का सजिप हो??
का मनैया हो?
धिर-धिर शंखा लाग भिरल बा ।
असिन लागठ कि
यी देश पथ्र चलाई देलसे
हुइने रह,
निर्जीव होक फे करूना दया भर्ल बा आपन म
त्वार जसिन धोकेवाज त निहो
गरिपन रोजगार देना ।
जनतनके लाग मजा काम कर्ना
आश देखाके व बाचा करके,
आँब
बिश्व कोरोनासे ल.र ब्याला
कमिशन खाइक लाग
दौरधुप चलल बा त्वार
काजेकि त्वार लाग
मनैन्हक पिँडासे भारी रुप्या होगिल काहुँ
काजेकि तुन्हक मन त
पथ्रसेफे उप्पर
लुहाक जसिन आँख्खर .
होगिल बा !!

बर्दिया हाल सल्ले ब्यारेक रूकुम ।