पाल्पा,  पाल्पा प्रहरीले तानसेन नगरपालिका-५, होलाङ्दीमा यात्रु बोकेको एम्बुलेन्स नियन्त्रणमा लिएको छ।

लकडाउनका समयमा आठ यात्रुसहित पाल्पाको प्रभाषबाट बागलुङतर्फ जाँदै गरेको लु २ च १४८० नम्बरको एम्बुलेन्स र चालक डम्बरबहादुर सुनारलाई नियन्त्रणमा लिइएको जिल्ला प्रहरी कार्यालयका सूचना अधिकारी सुरज श्रेष्ठले जानकारी दिए।

लकडाउनका अवधिमा जिल्लामा २६५ वटा सवारीसाधन नियन्त्रणमा लिइएको प्रहरीले जनाएकाे छ।