सरकार बस्छ टेबुलमा चियापान गरेर
देश रित्तियो युवा खाडी उडान गरेर ।

आज उसैले मेरो अनुहार कुरुप देखेकी हो
जस्लाई देख्ने बनाएको हुँ आँखा दान गरेर

दिदीको हत्यारा कठघरामा मुस्कुराउछ
आमा रुदैं रुदैं फर्किनु भो बयान गरेर  ।

बहुत दुख्छ सम्हालिन गाह्रो पर्छ यहाँ
न फर्किनु होला मुटुसँग चिनजान गरेर ।

२)
केही समयको मनको रहरका लागि
पछुताउनु पर्छ जिन्दगीभर का लागि ।

बिरवललाई जित्ने समय आएको छ
यो ठुलै चुनौती हो अकबरका लागि ।

आपत पर्दा तिम्रो सहर काम नलाग्ने रहेछ
अब सोच्नै पर्ने भयो गाउँघर का लागि ।

तिमिले घृणा गरेरै यो ठाउँसम्म पुगेको हु
धन्यवाद ! छ तिमिलाई यो अवसरका लागि ।

भेरी-५, जाजरकोट, हाल- चम्पादेवी गाउपालिका ओखलढुंगा