भालुवाङ,दाङको राप्ती गाउँपालिकामा गठित कोरोना भाइरस विपद व्यवस्थापन सहयोग तथा अनुगमन समितिले राहत स्रोत पहिचानका लागि पुर्व तयारी गर्ने निर्णय गरेको छ ।

समितिका अध्यक्ष जगतप्रसाद पोख्रेलको अध्यक्षता एवम् प्रतिनिधि सभा सदस्य मेटमणी चौधरीको विशेष उपस्थितीमा बुधवार राप्ती गाउँपालिका ८ विजौरीमा बसेको बैठकले नेपाल सरकारले गरेको लकडाउनको अवधी बढ्न सक्ने र त्यसको असर नागरिकमा पर्न सक्ने भन्दै बैठकले सो निर्णय गरेको हो ।

त्यस्तै बैठकले राप्ती गाउँपालिकाको ९ वटै वडाका गरिव,विपन्न,अपांग,एकल महिलाहरुको अवस्था बुझ्न निम्न पदाधिकारीहरुलाई जिम्मेवारी दिने निर्णय गरेको छ ।

जस अनुसार वडा नम्बर १ मा जगतप्रसाद पोख्रेल, महेश बेल्वासे,होमप्रसाद शर्मा र सुर्यकिरण केसी, वडा नम्बर २ मा मेनुका शर्मा र आषिश न्यौपाने, वडा नम्बर ३ मा दलबहादुर घर्ती र फुलराम चौधरी, वडा नम्बर ४ मा उमेश आचार्य, वडा नम्बर ५ मा ओमप्रकाश गुप्ता र कुमार अधिकारी, वडा नम्बर ६ र ७ मा कमलापती चौधरी, वडा नम्बर ८ मा शिवध्वज मल्ल र अर्जुन अधिकारी तथा वडा नम्बर ९ मा दलबहादुर घर्ती रहेका छन् ।