भालुवाङ,दाङ कोरोना भाइरसले जनजिवन प्रभावित भइरहेका बेला दाङ देउखुरीको एक किराना पसलमा मंगलबार राती आगलागी भएको छ । राप्ती गाउँपालिका वडा नम्बर ५ प्रगतिनगर सिसहनियाँमा रहेको रमेश कार्कीको किराना पसलमा राती करिव ८ः१५ बजेको समयमा आगलागी भएको प्रहरी चौकी सिसहनियाँले जानकारी दिएको छ ।

आगलागीबाट किराना पसलका सामान जलेर खरानी भएको छ भने पसल भित्र रहेको मोटरसाइकल र पसलमा रहेको नगद २ लाख रूपैयाँ समेत जलेर खरानी भएको प्रहरीले जानकारी दिएको छ । विधुत सट भएर आगलागी भएको प्रहरीले बताएको छ ।

आगोलाई स्थानीयबासी,प्रहरी र दमकलको सहायतामा ९ः३० बजे नियन्त्रणमा लिएका थिए । आगलागीबाट कति क्षेती भयो भन्ने विषयमा विवरण आउन बाँकी रहेको प्रहरीले बताएको छ ।