जाजरकोट, विप्लव नेतृत्वको नेपाल कम्युनिस्ट पार्टी जाजरकोटले संगठन सुदृढ तथा विस्तार अभियान कार्यक्रमलाई जिल्लाका विभिन्न भागमा तिब्र रुपमा सञ्चालन गरिरहेको छ ।शुक्रवार अभियानकै क्रममा पार्टीले जिल्लाको गर्छिनामा एउटा खुला सभा कार्यक्रम सम्पन्न गरेको छ ।

भेरी-कर्णाली जनसांस्कृतिक परिवारको बेजोड सास्कृतिक प्रस्तुति रहेको उक्त कार्यक्रमको सभापति तथा एरिया न. १ का इन्चार्ज क. महानले थिए, भने कार्यक्रमको प्रमुख अतिथि अखिल (क्रान्तिकारी)का केन्द्रिय सदस्य निर्मल अन्य अतिथिमा युवा संगठन नेपाल जाजरकोटका अध्यक्ष विवश, अखिल (क्रान्तिकारी) जाजरकोटक अध्यक्ष विजय थिए ।विद्यार्थी नेता समिपले संचालन गरेको कार्यक्रमलाई सम्बोधन गर्दै अतिथिहरुले वर्तमान दलाल सत्ताले जनताहरुलाई भ्रम मात्रै सृजना गरेर जनता लुट्ने र राष्ट्रघात गरेकाले यिनिहरु विरुद्धको लडाइँमा एकजुट हुन आमजनताहरुलाई आह्वान गरेका थिए ।

साथै, उनिहरुले वर्तमान दलाल संसदिय व्यवस्थाको विकल्प जनताको व्यवस्था वैज्ञानिक समाजवाद नै भएको जिकिर गरे । उक्त कार्यक्रममा स्थानिय जनताको उत्साहपुर्ण सहभागीता रहेको थियो ।