काठमाडौं, घरबाट सुर्खेत जान्छ भन्दै हिडेका कोहलपुर नगरपालिका १२ का वडा अध्यक्ष कृष्ण बहादुर खड्का भारतमा मृत भेटिएका हुन् ।मंगलबार सुर्खेत मेहेलकुना जाने भनि घरवाट हिडेका खडका भारतको एक होटलमा मृत भेटिएका हुन् ।

सत्तारूढ दल नेपाल कम्युनिष्ट पार्टी (नेकपा) बाँके जिल्ला कमिटी सदस्य समेत रहेका खड्काको भारतको बहराईचस्थित एक होटलमा मृत अवस्थामा भेटिए पछि घटना संकास्पद देखिएको छ ।

मंगलबार बिहान ७ बजे घरबाट निस्किएकोमा बुधबार दिउँसो भारतको बहराइचमा रहेको शंकर होटलको बन्द कोठामा शव भेटिएको छ।

घटना बारे बुझ्नका लागि बुधबार कोहलपुर नगरपालिकाका जनप्रतिनिधि र राजनीतिक दलका नेता अपरान्ह ३ बजे बहराइच पुगेको प्रहरीले जनाएको छ । उक्त घटनामा सम्वन्धमा गरिएको प्ररारम्भीक अनुसन्धानको क्रममा सुर्खेत जान्छु भनी घरबाट हिडेका अध्यक्ष मंगलबार बिहान १० बजेर १४ मिनेटमा नेपालगञ्जको जमुनहाबाट भारत तर्फ लागेको सिसि क्यामरामा देखिन्छ ।

भारतको बहराइचमा रहेको शंकर होटेलमा बुधबार अपरान्ह सम्म कोठाको ढोका बन्द रहेको र कोही नबोलेपछी होटेल सञ्चालकले भारतिय प्रहरीलाई बोलाएर भारतिय प्रहरीले नै उक्त होटेलको कोठाको ढोका फोडेर हेर्दा अध्यक्षको शब फेला परेको बताइएको छ ।
त्यहां कुनै सोसाइट नोट नभेटिएको र के कसरी मुत्यू भयो ? यस बिषयमा बहराइच स्थित अस्पतालमा शब पोष्ट मार्डमको लागि राखिएको छ भने भारतिय प्रहरीले प्ररारम्भीक अनुसन्धान गरिरहेको नेपाल प्रहरीले जनाएको छ ।

उक्त घटनापछी बुधबार नै बांकेका माननिय सांसद महेश्वर गहतराज लगायतको टोली घटनास्थलमा पुगेर फर्किएको छ भने आज बिहिबार नेपाल प्रहरी भारतिय प्रहरीको सहयोगमा आज फेरि त्यस तर्फ गएर आवश्यक प्रक्रिया पुरा गरि शब लिएर आउने बताइएको छ ।