भोजपुर, भोजपुरमा एक युवाले आफ्नो सौतेनी आमासंगको अवैध सम्बन्ध लुकाउन बाबुको ज्यान लिएका छन् ।भोजपुर नगरपालिका ११ आम्तेकका ६५ वर्षीय हरिबहादुर राईले सौतेनी आमासंग मिलेर आफ्ना बुवाको ज्यान लिएका हुन् ।

उनको सौतेनी आमा ५६ वर्षीया कर्णशोभा संग अवैध सम्बन्ध रहेको खुलेको छ । दुई जना मिलेर ८८ वर्षीय दलबहादुर राईको ज्यान लिएको खुलेको हो ।

घटना केही समय अघिको हो । लावारिस रुपमा फेला परेको शवका बारेमा अनुसन्धान गर्दै जाँदा यस्तो रहस्य खुलेको हो । हरिबहादुरले कान्छी आमासँग मिलेर गत असोज २५ गते बाबु दलबहादुरको घाँटी थिची हत्या गरेको प्रारम्भिक अनुसन्धानवाट खुलेको प्रहरीले जनाएको छ ।

प्रहरीले शवको प्रकृति हेर्दा शंकास्पद लागेपछि दुई जनालाई नियन्त्रणमा लिएर अनुसन्धान थालेको डिएसपी नरबहादुर सलामी मगरले जानकारी दिए ।

आमा-छोरा मिलेर बृद्धको हत्या गरेर अरु दुई जनाको सहयोगमा शवलाई ठेगान लगाएको बयान प्रहरी सामु दिएका छन् । स्थानीय सन्तोष विक र नारायण विकलाई ५ हजार रुपैँया दिएर दलबहादुरको शव डोकोमा हालेर फाल्न लगाएको प्रहरी सामु वयान दिएका हुन् ।

सौतेनी आमा र छोराबीचको अवैध सम्बन्धका कारण बृद्ध विकको ज्यान लिइएको प्रहरीको प्रारम्भिक अनुसन्धानवाट खुलेको डिएसपी सलामीले बताए । कान्छी श्रीमती कर्णशोभा सँग दसैंको टीका लगाउन आम्तेकको बाँसबोटे गएका दलबहादुर असोज २५ गतेदेखि सम्पर्क विहीन थिए ।