आफनै नेताबाट कुटिएको पत्रकार शर्माको दावी, पुजन भन्छन् संलग्नता छैन

कोहलपुर । सत्तारुढ नेपाल कम्युनिस्ट पार्टी (नेकपा) ५ नम्बर प्रदेश कमिटी सदस्य पुजन बिश्वकर्माले गुण्डा प्रयोग गरि बाँकेका पत्रकार सङ्गिन शर्मालाई आईतबार साँझ कुटपिट गरि घाईते बनाएका छन ।

घाइते पत्रकार शर्माका अनुसार नेकपा नेता पुजन बिश्वकर्माले आईतवार बेलुका कोहलपुरमा रहेको नेता बिश्वकर्माद्वारा संचालित आफ्नै पत्रीका युगयान दैनिकको कार्यालयमा गुन्डा बोलाई कुटपिट गर्न निर्देशन दिएकाे  थिए ।

प्रत्यदर्शीका अनुसार विश्वकर्माले पत्रकार शर्मालाई तह लगाउन गुण्डाहरुलाई निर्देशन दिएका थिए । नेपाल पत्रकार महासंघ बाँके शाखाका कार्य समितिका सदस्य तथा तत्कालीन प्रेस सेन्टर बाँकेका सचिब समेत रहेका पत्रकार शर्मा हाल कोहलपुरबाट प्रकाशित काँचुली खबर अनलाइनका कार्यकारी सम्पादक समेत रहेका छन ।

कुटपिटमा मेरो संलग्नता छैन पुजन बिश्वकर्मा

युगयान पत्रिकाका संचालक पुजन बिश्वकर्माले भने कुटपिटमा आफनो कुनै संलग्नता नरहेको बताएका छन । उनले
बरु आफुलाई  दलित भनेर मानहानी गरेको जिकिर गरेका छन । उनले भने माफसे गरेर आएर उल्टै मलाई मानहानी गरिएको छ । जे पायो त्यही भनेर मेरो खिल्ली उडाइएको छ । म कसरी मान्छे लगायर कुटन सक्छु ?