नेपालगन्ज, देशभर एक दर्जन बढी स्थानमा रहेका एनसेलका टावरमा अज्ञात समूहले आगजनी गरेका छन्। अज्ञात समुहले देशका बिभिन्न ठाउँमा एनसेलका टावरमा आगजनी गरेका हुन । धनगढि बझाङ,बाँके झापा, ललितपुर, सिन्धुपाल्चोक, धादिङ, नवलपरासी पूर्व, पर्वत, बागलुङ, म्याग्दी, कपिलवस्तु, डडेलधुरा र कैलालीमा एनसेलका टावरमाथि आगजनी गरेका प्रहरीले जनाएको छ।

बझाङमा एकै रात एनसेलका तीन टावरमा आगजनी गरेको छ । गएराति जिल्लाको मष्टा गाउँपालिका, थलारा गाउँपालिका र वित्थडचिर गाउँपालिकामा रहेको एनसेल टावरमा अज्ञात समूहले आगजनी गरेको हो ।

आगजनीका कारण टावरमा पूर्णरुपमा क्षतिसँगै सेवा अवरुद्ध भएको छ । आगजनीको कसैले पनि जिम्मा लिएको छैन । यसअघि विप्लव नेतृत्वको नेपाल कम्युनिस्ट पार्टीले कर नतिरको भन्दै आगजनी गर्दै आएको थियो ।

त्यसैगरी विभिन्न सामाजिक अभियान्ताहरुले ‘एनसेल बहिस्कार’ अभियान नै चलाएका छन् ।  आगजनी कसले गरेको हो भन्नेबारे अनुसन्धान भइरहेको प्रहरीले जनाएको छ । यद्यपि प्रहरीको शंका भने नेत्रबिक्रम चन्द विप्लव नेतृत्वको नेकपाका कार्यकर्ता तर्फ छ ।