काटिकोट, कालिकोट जिल्लाको पचाल झरना गाउँपालिकाका अध्यक्ष खडगराज सेजुवालले आफ्नो गाउँपालिकालाई देशकै पर्यटकिय केन्द्रबिन्दुको रुपमा स्थापित गरिने वताएका छन् ।गाउँपालिकाको चौथोँ गाउँसभामा आगामी आर्थिक बर्षको निती तथा कार्यक्रम प्रस्तुत गर्दै गाउँपालिका अध्यक्ष सेजुवाले देशकै १०० पर्यटकिय गन्तव्यको पर्न सफल भएको झर्नालाई पर्यटकिय गन्तव्यको रुपमा विकाश र प्रचारप्रसार गर्नको लागी पचाल झरनाको छुट्टै गुरुयोजना वनाएर लागु गरिने वताए ।

साथै ३८१ मिटर अग्लो झरना ‘पचाल झरनाको नामवाट गाउँपालीकाको नामाकरण हुनु आफैमा गौरबको विषय भएको पनि अध्यक्ष सेजुवालले वताए ।

पचाल झरना पछिल्लो समय पत्ता लागेको नेपालकै अग्लो झरना हो । यो भन्दा पहिले यस्को अौपाचरिक नाप लिएको थिएन् । स्थानिय सरकार वने संगै स्थानिय सरकारकै पहलमा यसको नाप लिएको हो । यसको लम्वाई ३८१ मिटर रहेको गाउँपालिका अध्यक्ष सेजुवालले जानकारी दिए ।

हाल यो झरना हाल सरकारले घोषणा गरेको देशका १०० पर्यटकिय गन्तव्यमा ६४ अौ स्थानमा छ । यस अघी नेपालको सबैभन्दा अग्लो मानिएको तेर्हथुमको हयातुङ् झरनाको उचाई ३६५ मिटर मात्र छ । तर हयातुङ झरनाको भन्दा यस्को उचाई १६ मिटर बढी छ ।

वास्तबिक उचाई पत्ता लागेसँगै यो झरना विश्वकै ३० अग्ला झरनाहरुमा परेको छ । हाल झरनाको प्रचारप्रसार बढे संगै झरना हेर्न आउने पर्यटकको संख्या दिन प्रतिदिन बढदो छ ।

झरना हेर्न आउने आन्तरिक तथा वाह्य पर्यटकलाई मध्यनजर गर्दै सडक, होमस्टेहरु सन्चालन गरिनुका साथै झरना लाई थप प्रचारप्रसार, विकाश र व्यवस्थित गर्दै देशकै नमुना पर्यटकिय गन्तव्यको रुपमा स्थापित गरिने गाउँपालिका अध्यक्ष सेजुवालले वताए ।

पचाल झरना