नेपालगञ्ज,बाँके दुबै मृगौला फेल भएर राजधानीको भक्तपुर मृगौला प्रत्यरोपण केन्द्रमा उपचार गरीरहेका जाजरकाेटका युवा विद्यार्थी नेता कालीबहादुर मल्ललाई जाजरकोटी समाज बाँकेले रू.१० हजार सहयोग गरेको छ ।

जाजरकोटी समाज बाँकेले नेपालगञ्ज बीपी चाेकस्थित कुसेन्युजको कार्यालयमा पुगेर मृगौला पिडित युवा नेता मल्ललाई रु १० हजार सहयोग हस्तान्त्ररण गरेको हो । 

सहयोग हस्तान्त्ररण गर्दै जाजरकोटी समाज बाँकेका अध्यक्ष किशाेर कृष्ण भण्डारीले बिरामीको आत्मबल उच्च बनाउन जाजरकोटी समाज बाँकेले सहयोग गरेको बताए । उनले भने एकले थुकी सयाैँले थुकी नदि हुन्छ भन्दै सबैलाइ सहयाेग गर्न अाग्रह समेत गरे । 

भण्डारीले मल्लको उपचारको लागि जाजरकोटी सामाज बाँकेले कुनैपनि कसुर बाँकी नराख्ने भन्दै एउटा शसक्त युवा बचाउन सामाजको दायित्व भएको समेत बताए ।

विद्यार्थी नेता मल्ल लामो समयदेखि मृगौलाको डाइलोसिस गराई रहेका छन । उनि कुशे गाँउपालिका वार्ड नं ५ ढिमे निवासी हुन् । लामो समयदेखि मृगौला रोगबाट पीडित मल्ल निरन्तर समाजसेवामा लागेका कारण आफ्नो उपचार गर्न समेत सकेका थिएनन ।

पाँच महिना अघि नै चिकित्सकले डाइलासिस गर्नुपर्ने भने पनि मल्लले उपचार गर्न सकेका थिएनन । ३१ वर्षका मल्ल जुझारु विद्यार्थी नेता हुन् । लामो समय विद्यार्थी आन्दोलनमा लागेर एक वर्ष अघि मात्र उनले विद्यार्थी संगठनबाट विदा लिएका थिए । चिकित्सकका अनुसार उनको दुबै मृगौला प्रत्यारोपण गर्नुपर्छ । त्यसका लागि ठूलो रकम लाग्ने बताइन्छ ।

स्मरण रहाेस कुसेन्युजले बिगत केहि समयदेखि मल्लकाे बारेमा निरन्तर समाचार अपडेट गर्दै अाइरहेकाे छ ।