दुबै मृगौला फेल भएर राजधानीको ललितपुर धापाखेल स्थीत सुमेरु किडनी अस्पतालको आइसियुमा भर्ना गरिएका विद्यार्थी नेता कालीबहादुर मल्लको सहयोगका लागि जाजरकोटको कुशे गाउँपालिकाले तत्कालको लागि ५ लाख सहयोग गर्ने घोषणा गरेको छ ।

जाजरकोटको कुशे गाउँपालिकाले मृगौला पीडित विद्यार्थी नेता मल्लको उपचारको लागि पाँच लाख सहयोग गर्ने निर्णय गरेको हो ।  विद्यार्थी नेता मल्ल सोही गाउँपालिकाको वार्ड नं ५ ढिमे निवासी हुन् । लामो समयदेखि मृगौला रोगबाट पीडित मल्ल आर्थिक अभाव र समाजसेवामा लागेका कारण आफ्नो उपचार गर्न सकेका थिएनन ।

पाँच महिना अघि नै चिकित्सकले डाइलासिस गर्नुपर्ने भने पनि मल्लले उपचार गर्न सकेका थिएनन । ३१ वर्षका मल्ल जुझारु  विद्यार्थी नेता हुन् । लामो समय विद्यार्थी आन्दोलनमा लागेर एक वर्ष अघि मात्र उनले विद्यार्थी संगठनबाट विदा लिएका थिए । चिकित्सकका अनुसार उनको दुबै मृगौला प्रत्यारोपण गर्नुपर्छ । त्यसका लागि ठूलो रकम लाग्ने बताइन्छ । 

असल युवा बचाउन सम्पुर्ण रुपले लागि पर्छौँ – अध्यक्ष बस्नेत कुशे गाँउपालिका

कुशे गाउँपालिकाका अध्यक्ष हरिचन्द्र बस्नेतले एउटा असल युवालाई बचाउन गाँउपालिकाले सम्पुर्ण रुपमा लागिपर्ने बताएका छन । हर नागरिकलाई बचाउनु स्थानिय सरकारको पहिलो कर्तव्य हो अध्यक्ष बस्नेतले भने हामी आफनो दायित्व सम्झेर लागि पर्ने छौँ । अध्यक्ष बस्नेतले स्थानिय सरकार सँधै पीडितहरुको काखमा रहेको बताए ।

कुशेका जुझारु र क्षामातावान र एउटा असल युवा बचाउने कर्तव्य भएको भन्दै अध्यक्ष बस्नेतले पालिकाको दायित्व भएको बताए ।

उनले गाँउपालिका यस्तो दायित्वबाट पछि नहटने भन्दै आबश्यक सम्पुर्ण सहयोग गर्ने जानकारी दिए । बस्नेतले यसभन्दा अगाडि पनि गाँउपालिकाको तर्फबाट हुने सहयोगमा कमि नरहेको जानकारी दिए ।

पछिल्लो समय एकपछि अर्को लोकप्रिय काम गर्दै आइरहेका बस्नेतले पदाधिकारीहरुको एकमहिनाको तलब पनि सर्मपण गर्न सकिने बारे छलफ गरिने जानकारी दिए ।

यसरी बचाएको थियो पहिला पनि बिरामीहरुलाई गाँउपालिकाले

ब्लड क्यान्सर एलिना हमाललाई साढे ४ लाख उपलब्ध गराएको पालिकाले , क्यान्सर पिडित नर बहादुर शाही,साढे १ लाख त्यस्तै पाठेघरमा क्यान्सर भएकी बिष्णु शाही, लगायत दर्जन भन्दा बढिलाई आर्थीक सहयोग गरेर ज्यान बचाएको थियो ।

गाँउपालिकाले पछिल्लो समय स्वास्थ्यमा जनताको पहुच बिस्तारको लागि सम्पुर्ण रुपमा लागि रहेको अध्यक्ष बस्नेतले जानकारी दिए  । उनले अब काेहि नागरिक उपचारकाे पहुँच भन्दा टाढा नहुने जानकारी दिए ।