सुन तस्कर प्रकरढामा चर्चामा रहेका बेला नेपाल प्रहरीका पूर्वउच्च अधिकारीहरुले भने जारी अनुसन्धानमा नै शंका गरेका छन्। सुन तस्करी प्रकरणमा मुछिएकाहरु धमाधम पक्राउ पर्ने र आत्मसमर्पण गर्दै अदालतमा पग्ने क्रम बढेपछि नेपाल प्रहरीका पूर्वउच्च अधिकारीहरुले जारी अनुसन्धानमा नै शंका व्यक्त गरेका छन्।

नेपाल प्रहरीका पूर्वएआईजी राजेन्द्रसिंह भण्डारी, पूर्वडीआइजीहरु रमेश खरेल र हेमन्त मल्लले आइतबार सञ्चारकर्मीसँगको भेटघाटका क्रममा सुन तस्करी र शनम शाक्य हत्या प्रकरणमा अनुसन्धानमा खटिएका प्रहरीलाई नै फसाउन खोजिएको र जारी अनुसन्धानमा नै शंका उत्पन्न हुन थालेको बताएको खबर राजधानी दैनिकमा छ।

त्यस्तै कान्तिपुर दैनिकले अनुसन्धान नै त्रुटिपूर्ण भन्दै खबर छापेको छ। नेपाल प्रहरीका पूर्वउच्च अधिकारीले शनम शाक्यको हत्या र ३३ केजी सुन तस्करी प्रकरणमा मन्त्रिपरिषद्ले गठन गरेको विशेष समितिको अनुसन्धान त्रुटिपूर्ण रहेको औल्याएका छन्। पूर्वएआइजी राजेन्द्रसिंह भण्डारी, पूर्वडीआइजीहरु हेमन्त मल्ल र रमेश खरेलले प्रहरीलाई हतोत्साहित बनाउने कार्य भइरको बताए।