नेपाली कांग्रेसका नेता खुमबहादुर खड्काको निधन भएको छ । मृगौला, नसा र छातीको समस्याबाट पीडित खड्काको भारत नयाँ दिल्लीस्थित एपोलो अस्पतालमा उपचार हुँदै थियो ।

बुधबार यता भेल्टिलेटरमा राखिएका खड्काको आज साँझ ५ बजेर १५ मिनेटमा निधन भएको हो । फागुन ४ गते राति हृदयाघात भएपछि काठमाडौंस्थित नर्भिक अस्पतालमा भर्ना भएका खड्कालाई फागुन ६ गते दिल्ली लगिएको थियो ।

खड्काले एपोलो अस्पतालमै मृगौला प्रत्यारोपण गराउनु भएको थियो । खड्काको पार्थिव शरीर भोलि नेपाल ल्याइने बताइएको छ ।