विराट कोहली कप्तानको भूमिकामा पहिलो एकदिवसीय शृंखला जित्ने तेस्रो भारतीय कप्तान बन्न पुगेका छन्। उनी दुई साताअघि मात्र भारतको एकदिवसीय कप्तान नियुक्त भएका थिए। इङ्ल्यान्डविरूद्ध तीन एकदिवसीयको शृंखलाअन्तर्गत पहिले पूणे र दोस्रो कटकमा जितेपछि भारतले शृंखलामा कब्जा जमाएको छ।

यसअघि आफ्नो पहिलो कप्तानीमा सौरभ गागुली र राहुल द्रविडले भारतलाई एकदिवसीय शृंखला जिताएका थिए। आफ्नो पहिलो कप्तानीमै शृंखला जितेपछि पूर्व कप्तान महेन्द्रसिंह धोनीले विराटलाई बधाई दिएका थिए।