काठमाडौँ,गैर आवासीय नेपालि संग (एन आर एन ए)अस्ट्रेलियाको अध्यक्षमा नन्द गुरुङ बिजयी भएका छन। शनिबार सम्पन्न निर्वाचनमा ८५८३ मत सहित गुरुङ आगामी दुइ वर्षका लागि अध्यक्ष पदमा निर्वाचित भएका हुन । उनका निकटतम प्रतिद्वन्द्वी डाक्टर ज्ञानेन्द्र रेग्मीले ४८७९ मत प्राप्त गरेका थिए भने कोही पनि छान्दिन भन्नेमा ७४४ मत परेको थियो । अध्यक्षमा निर्वाचित भए पश्चात आफुलाई मतदान गर्ने सम्पूर्ण मतदाताहरुमा धन्यवाद ज्ञापन गर्दै गुरुङले आफ्ना प्रतिवद्धताहरुबाट पछि नहट्ने पनि बताए ।

एन आर एन एको आफ्नै कार्यालय स्थापना गर्ने र कुलतमा फसेका युवाहरुलाई सहि बाटोमा ल्याउन काउन्सिलिङ्ग सेसनहरु संचालन गर्ने मुख्य एजेन्डासहित गुरुङ चुनावी मैदानमा होमिएका थिए । उनि न्यु साउथ वेल्स राज्यका पुर्व संयोजक समेत रहेका थिए । सन् २०२१-२३को कार्यसमितिमा महासचिवमा राजु बाबु अधिकारि,सचिवमा सन्ध्या शाह,संयुक्त कोषाध्यक्षमा राजकुमार नगरकोटी,नारि निकुञ्ज संयोजकमा मंजु खड्का र युवा संयोजकमा बबिन मिश्र निर्वाचित भएका छन् । यस्तै शनिवारनै सम्पन्न निर्वाचनले एन आर एन एको केन्द्रिय निर्वाचनका लागि प्रतिनिधि पनि छानेको छ ।

निर्वाचित केन्द्रिय प्रतिनिधिहरुमा बुद्धि डल्लाकोटी, परशुराम अधिकारि, प्रज्वल भट्टराई, सुर्य खनाल,प्रवेश राज घिमिरे, राजेश बुढाथोकी र प्रेम कंडेल रहेका छन् । त्यस्तै राज्य र केन्द्र बीच समन्वय कायम गर्ने राज्य संयोजन समितिहरुमा पनि प्रमुख संयोजक सहित सबै पदाधिकारीहरु निर्वाचित भएका छन् । अस्ट्रेलियन क्यापिटल टेरिटोरीको संयोजकमा अशोक बस्नेत, न्यु साउथ वेल्समा देव गुरुङ,नर्थन टेरिटोरीमा बिष्णु चापागाईं,क्विन्सल्याण्डमा बिनोद भक्त आचार्य, साउथर्न अस्ट्रेलियामा रेनुका लामा, तास्मानियामा राकेस शाक्य, भिक्टोरियामा राम हरि खड्का र वेस्टर्न अस्ट्रेलियामा दिपक बस्नेत संयोजकका रुपमा निर्वाचित भएकाछन।नेपालि बिध्यार्थिहरुमा सर्वाधिक चासोको बिसय बनेको न्यु साउथ वेल्स राज्यको युवा संयोजक पदमा बिक्रम दाहाल बिजयी भएका छन ।

आफ्ना निकटतम प्रतिद्वन्द्वी कलाम खड्का भन्दा ६ सय ८८ मत बढी पाएर उनि बिजयी भएका हुन् भने कसैलाई पनि छान्दिन भन्नेमा १ हजार २५ मत परेको थियो । परिणाम घोषणा भए लगत्तै खड्काले दाहाललाई शुभकामना दिएका छन् ।“हारजित चुनावी खेल नै हो। बिक्रम जीले नेपालि बिध्यार्थिहरुका समस्या पहिले देखि नै सम्बोधन गर्दै आउनु भएको हो । अब एन आर एन बिध्यार्थीहरुको पनि हो भन्ने उदाहरण उहाले बसाल्नु हुनेछ भन्ने बिस्वास लिएको छु, उहालाई सफल कत्यकालाको शुभकामना । ” खड्काले भने।यस्तै बिजयी दाहालले पनि आफुले युवाहरुको उत्थानमा काम गर्ने प्रतिबद्धता जनाएका छन ।

“पहिलो पुस्ताका नेपालि बिद्यार्थी र यहि जन्मिएका दोश्रो पुस्ताका नेपालि युवाहरु बीच समन्वय कायम गर्नु मेरो मुख्य उद्देश्य हुनेछ । यस संगै सामाजिक, सांस्कृतिक र खेलकुदका कार्यक्रम आयोजना गर्दै आत्मियता बढाउने त अनिवार्य कार्य नै भयो । कार्यकाल सक्किदा सम्म केहि उल्लेखनिय नतिजा हेर्न पाउनु हुनेछ । ”उनले भने । दाहालले नेपालमा कोरोनाको दोश्रो लहर चलिरहदा नेपालि बिध्यार्थीहरुको तर्फबाट नेपालमा अक्सिजन कनसन्ट्रेटर पठाउने अभियानमा मुख्य भूमिका खेलेका थिए । एनआरएनएको शनिवार सम्पन्न चुनावमा ९२ दशमलव ९२ प्रतिसत मतदान भएको थियो ।