रुकुम पश्चिमको चौरजहारी नगरपालिका, सोती घटनाको अनुसन्धान गर्न संसदीय विशेष छानबिन समिति गठन भएको छ। सा‌ंसद देवेन्द्र पौडेलको नेतृत्वमा सोमबार ९ सदस्यीय छानबिन समिति गठन गरिएको हो ।

सभामुख अग्निप्रसाद सापकोटाले नेकपाका सांसद देवन्द्र पौडेलको संयोजकत्वमा छानबिन समिति सोमबार गठन गरेका हुन्। छानबिन समितिका सदस्यहरुमा सांसदहरु एकवाल मियाँ, दुर्गा पौडेल, प्रकाश रसाइली स्नेही, विमला विक, महेश्वरजंग गहतराज, मीन विश्वकर्मा र रामसहायप्रसाद यादव छन्।

समितिलाई ३० दिनभित्र घटनाको सत्यतथ्य छानविन गरेर प्रतिवेदन पेश गर्न सभामुख सापकोटाले सदनबाटै निर्देशन दिएका छन्। सांसदहरुले लगातार घटनाको छानबिन गर्न समिति गठन गर्न माग गरेपछि सरकार पनि संसदीय समिति बनाउन तयार भएको हो।