बिरेन्द्रनगर, सुर्खेत कोरोना भाईरस (कोभिड १९) रोकथाम तथा नियन्त्रण कार्यका लागि कर्णाली प्रदेश सरकारले स्थापना गरेको प्रदेश विपद् व्यवस्थापन कोषमा साढे पाँच लाख रुपैंया जम्मा गरिएको छ । कुमारी बैंक सुर्खेत शाखामा रहेको उक्त कोषको खातामा विभिन्न संघ संस्थाहरूले सहयोग रकम बराबरको रकम जम्मा भएको हो ।

सोमबार बिभिन्न संस्थाहरुले चेक कर्णाली प्रदेश सरकारका मुख्यमन्त्री महेन्द्रबहादुर शाही र आन्तरिक मामिला तथा कानुन मन्त्री नरेश भण्डारी लगायतलाई हस्तान्तरण गरेका हुन् । सिद्धार्थ बहुउद्देश्यीय सहकारी संस्था लिमिटेड सुर्खेतले २ लाख, नेपाल मगर संघ जिल्ला समन्वय समिति सुर्खेतले रू २ लाख, सिद्वार्थ संचार सहकारी संस्था सुर्खेतले रू ७५ हजार सहयोग गरेका छन् ।

त्यस्र्तै लगनशील महिला लघु उद्यमी सहकारी संस्था लिमिटेड सुर्खेतले रू ५० हजार र सिद्वार्थ नेशनल कोअपरेटिभ सेकेण्डरी स्कुलले रू २५ हजार रकम प्रदेश सरकारको विपद् कोषमा जम्मा गरेका हुन् । विश्वव्यापी रुपमा मानव जातिका विरुद्ध आईपरेको कोरोना संकट अन्त्य गर्न निजी क्षेत्रबाट भएको योगदान प्रति मुख्यमन्त्री महेन्द्रबहादुर शाहीले धन्यवाद व्यक्त गरे ।