एसइई नियमित तालिका अनुसार हुने

काठमाडौं , सरकारले माध्यमिक शिक्षा परीक्षा (एसइइ) नियमित तालिकामै सञ्चालन हुने बताएको छ। सरकारका प्रवक्ता समेत रहेका अर्थ मन्त्री एवं सञ्चार तथा सूचना प्रविधि मन्त्री डा. युवराज खतिवडाले मंगलबार यस्तो बताएका हुन्।

कोरोना भाइरस (कोभिड–१९)को संक्रमणको जोखिम भएपनि उच्च सतर्कताका साथ परिक्षा सञ्चालन गर्ने तयारी सरकारले गरेको उनले बताए। उनले भने,‘नियमित तालिकामै परीक्षा सञ्चालन हुन्छ। यसका लागि व्यवस्थापकीय तयारी गरिरहेका छौँ।’

कोरोना भाइरसको संक्रमण देखिएका मुलुकमा समेत परीक्षाहरु सञ्चालन भइराखेको उल्लेख गर्दै विद्यार्थीमा समस्या देखिए छुट्टै व्यवस्था गरेर पनि सरकारले परिक्षा सञ्चालन गर्ने उनले बताए। खतिवडाका अनुसार परीक्षा गरिरहदा केही पूर्व तयारी चाहिन्छ।

परीक्षा हलमा प्रवेश गर्दा समान्य टेम्प्रेचर ज्वरो नापेर पठाउने एउटा यदि शंका लाग्यो भने आइसोलेटेड रुममा राखेर त्यस्तो रुममा पनि निश्चित फरकमा दुरीमा विद्यार्थीहरुलाई राखेर परिक्षा लिने र त्यसको लागि स्वास्थ्यकर्मीहरु खटाउन पर्ने ठाउँमा खटाउने छ। सरकारले एसइइ परीक्षा नरोकेपनि शैक्षित्र सत्रको भर्ना नलिन भने विधालयमा अपिल गरेको छ।