गलत बहुमत

कविता

विष्णु अद्वितीय

प्रकासित मिति : २०७६ असार ३०, सोमबार १५:०६ प्रकासित समय : १५:०६

म पाना पल्टाउँछु समयको
एक एक गरि,
सबै छिमल्छु अलि देर गरि
र पोखिदिन्छु मस्तिष्क भरी ।

विभाजित हुँदै पराजित
पराजित हुँदै अविजित
हरेको प्रत्येक कालखण्डलाई
खण्ड – खण्ड नपारी पार नलाग्नसक्छ
त्यो भेदलाई भेदन गर्न ।

म गलत भनिरहेछैन कि
यस बखत म सत्य बोल्दैछु
थोरै आगो ओकली
सङ्गै दबाइनसक्छ मेरो बोली
जसको भय छैन कत्ती ।

…लेख्दैछु कि
बहुमत जनता इतिहासको
थोरै कालखण्डमा सत्यको आड लाग्छन
तर रगतको आहुती दिने गरि !
र धेरै लामो न लामो समय
गलतको पक्षमा मत जाहेर गर्छन
अहिले जसरी ।

म भन्न पाउँछु कि पाउँदिन !?
– गलत बहुमत ।