हेर्दाहेर्दै यसरी चोला फेर्यो रानी तलाउले हेर्नुस १२ तस्विरमा

आन्तरिक पर्यटनको केन्द्र बन्दै रानी तलाउ

 

टन्न उम्रिएको घाँस,गन्हाउने ढलको पानी, जताततै फोहरै फोहर कुनैबेला यस्तो लाग्थ्यो रानी तलाउको पहिचानै यहि हो ।

नेपालगन्ज उपमहानगरपालिका भित्र रहेको रानी तलाउले हेर्दाहेर्दै आफनो मुहार बदलेको छ । उप महानगरपालिका मेयर धवलशम्सेरको अगुवाइमा रानी तलाउले मुहार बदलेको स्थानीयले बताएका छन ।

मेयर शमसेरकै अगुवाइमा सरसफाइबाट यसको सम्भारको काम थालिएको थियो । लामो समय लथालिङ्ग बनेको रानीतलाउले जुनी फेरेको छ । अहिले रानी तलाउ निक्कै बिजी छ ।

नगर प्रमुख डा.धवलशमसेर राणा निर्वाचित भएलगत्तै रानी तलाउ जीर्णोद्धार गर्ने अहिले आएर कार्यान्वयनमा आएपछि उपमहानगरभित्रको उक्त तलाउ आकर्षक आन्तरीक पर्यटकीय क्षेत्र बन्न पुगेको छ ।

नेपालगञ्जसँगै रानीतलाउको इतिहास गाँसिएकाले यसको छुट्टै महत्व छ । चार दशक अघिसम्म रानीतलाउको स्वरुप नै अर्को थियो ।

चारैतिर खुला अवस्थाको तलाउ पोखरीमा स्थानीयवासीले नुहाउने, धार्मिक कर्मकाण्ड गर्ने गरेका थिए । त्यसबेला आकाशे पानी जम्मा भएर पनि सफा नै हुने गरेकाले सर्वसाधारणले नुहाउन प्रयोग गर्ने गरेको जानकार बताउँछन् ।

“रानीतलाउमा चार कुनामा रहेका स्तम्भमा पौडी खेल्नेहरुले हामफाल्ने र मध्यभागमा रहेको स्तम्भमा पुगेर विश्राम गर्ने गरेको जानकारहरु बताउछन ।

थुप्रैपटक रानीतलाउलाई ब्यवस्थीत गर्ने योजना बनाइए पनि उक्त प्रयासहरु असफल भएका थिए । तर अहिले सो योजनाले पूर्णता पाएसँगै नेपालगञ्जवासी खुशी भएका छन् ।

२१ वर्षदेखि जीर्ण रहेको नेपालगञ्जको त्रिभुवनचोक पूर्वमा रहेको उक्त तलाउमा डुङ्गा सञ्चालन भएसँगै छिमेकी भारतीय पर्यटकसमेत बढ्न थालेको स्थानीय सालिद हुसेनले बताए ।

“रानीतलाउमा डुङ्गा सयर गरेर मनोरञ्जन लिने पर्यटकको शनिबार धेरै भीड हुन्छ”, उनले भने, “यहाँ घुम्ने पर्यटक खुशी भएर फर्किनुहुन्छ, यसले नेपालगन्जको गौवलाई उच्च पारेको बताए ।

नेपालगञ्ज उपमहानगरको आर्थिक दृष्टिले पनि महत्वपूर्ण रहेको यस तलाउमा छ वटा प्लाष्टिकका डुङ्गा र बालबालिकाले खेल्ने सामग्री राखेर सञ्चालनमा ल्याइएको छ । रानीतलाउ बोटिङ विहार समितिले त्यहाँ प्रवेश गर्न रु पाँच र बोटिङ गर्नका लागि रु २५ टिकट मूल्य तोकेको छ ।

तस्विर – कुसेन्युजका लागि किस्मत अलिसेख  ,नेपालगञ्ज,बाँके